Алматыда Қазақстанда алғаш рет митохондрияны алмастыру терапиясы (MRT) арқылы қыз бала дүниеге келді.

Митохондриялық алмастыру терапиясының (МАТ) мәні — аналық жасушаның ядросын ядросы алынып тасталған донорлық жұмыртқа жасушасына көшіру және эмбрионның одан әрі дамуы үшін донорлық цитоплазма мен митохондрияларды пайдалану. Ұрықтанудан кейін ата-аналар генетикалық тұрғыдан өздеріне тиесілі балалы болады. Бұл технология Қазақстанда алғаш рет қолданылды. Әлемде осы технологияның көмегімен дүниеге келген балалардың саны шамамен 30-ға жуық.

43 жастағы қыздың анасы болуға үміткер әйел бірнеше сәтсіз ЭКҰ (экстракорпоралдық ұрықтандыру) хаттамасынан өтіп, ұзақ әрі қиын жолдан өтті. Осы әдістің авторы, бұрынғы отандасымыз Шухрат Миталиповтың (қазіргі таңда АҚШ-тағы Орегон денсаулық сақтау және ғылым университетінің Эмбриондық және гендік терапия орталығының директоры), сондай-ақ академик В. Н. Локшин мен оның «PERSONA» халықаралық клиникалық репродуктология орталығының командасының арқасында әйел алғаш рет ана атанды.

Бүгін біздің ұжымымыз үйлеріне аттанып бара жатқан бақытты отбасын шығарып салды. «Caravan-Medicus» ЖШС бас директоры Нариман Камильевич Садықов біздің клиниканы таңдағандары үшін ерлі-зайыптыларға шын жүректен алғыс айтып, жас ата-аналарға зор денсаулық пен отбасылық береке-бірлік тіледі:

— Клиникамыздың есігі осы тамаша отбасы үшін әрқашан ашық, оларды қайта көргенімізге өте қуанышты болар едік!